Kronikë

Polici kanoset përmes rrjeteve sociale pasi e shqiptoi një tiketë kundërvajtjeje

Një polic i Kosovës është kanosur përmes rrjeteve sociale të premten pasdite, ka bërë të ditur Policia e Kosovës të shtunën.

Sipas njoftimi, kanosja ka ndodhur pasi polici kishte shqiptuar një tiketë kundërvajtjeje në trafik, në fshatin Peqan të Suharekës.

“Është arrestuar i dyshuari mashkull kosovar pasi që i njëjti pas pranimit të një tikete kundërvajtje, përmes rrjeteve sociale ka kanosur zyrtarin policor viktimën mashkull kosovar. I njëjti është intervistuar dhe me vendim të prokurorit, është liruar në procedurë të rregullt”, thuhet në njoftim.