Kronikë

Ndalohen dy të dyshuar në Prishtinë për zhdukjen e një personi tjetër

Më urdhër të Prokurorisë Themelore në Prishtinë, janë ndaluar dy persona të enjten, të dyshuar për rastin e zhdukjes së personit me inicialet B.R.

“Prokuroria Themelore në Prishtinë, njofton opinionin publik se dy personat janë ndaluar për veprën penale “Rrëmbimi” nga neni 191 të KPRK-së. Po ashtu, me rastin e arrestimit të këtyre dy personave janë sekuestruar edhe disa prova materiale të cilat do të shërbejnë për procedurë të mëtutjeshme penale. Gjithashtu, kjo prokurori njofton opinionin publik se në këtë çështje penale, është duke punuar me seriozitetin maksimal dhe me të gjitha kapacitetet që disponon, si dhe në koordinim të plotë më Policinë e Kosovës”, thuhet në njoftim.