1 perditesime
Kronikë e zezë

Kërkohet paraburgimi i vajzës që plagosi Vali Corleonen

Kërkohet paraburgimi i vajzës që plagosi Vali Corleonen
14:32

Kërkohet paraburgimi i vajzës që plagosi Vali Corleonen

Prokuroria Themelore e Gjilanit ka kërkuar caktimin e masës së paraburgimit për të dyshuarën lidhur me tentim vrasjen e Vali Corleones të enjtes.

“Prokurori i Shtetit, ka filluar hetimet dhe njëherit brenda afatit ligjor ka ushtruar kërkesë për caktimin e paraburgimit pranë Gjykatës Themelore në Gjilan”, thuhet në komunikatën e prokurorisë.

Të enjten, 11 gusht, Prokuroria Themelore në Gjilan, ka ndaluar për 48 orë të dyshuarën A.S. nga Gjilani, për shkak të dyshimit të bazuar se ka kryer dy vepra penale, “Vrasje në tentativë” dhe “Mbajtja në pronësi, kontroll ose posedim të paautorizuar të armëve”.

09:46

Një 22-vjeçare e plagos Vali Corleonen

Një vajzë është arrestuar dhe është dërguar në mbajtje për 48 orë për vrasje në tentativë. Mësohet se i plagosuri është Princ Valentino Corleone, i njohur shkurt me emrin Vali Corleone. 

Policia e rajonit të Gjilanit njoftoi përmes një komunikate se në orët e hershme të së enjtes nga Qendra Emergjente Rajonale është informuar se ishte sjellë një person i lënduar nga arma e zjarrit.

“Në vendin e ngjarjes kanë dalë njësitet relevante. Sipas raportit të mjekut viktima P.C. (1983) shqiptar, shtetas i Kosovës është jashtë rrezikut për jetë”, thuhet në njoftim.

Nga hetimet e para në vendin e ngjarjes mësohet se e dyshuara në lidhje me rastin është një vajzë 22-vjeçare e cila sipas policisë dyshohet se e ka shkrepur armën.

Për momentin nuk dihen motivet e incidentit.

“Një armë Pistoletë dhe 40 copë fishekë të të njëjtës armë janë konfiskuar në vendin e ngjarjes si prova materiale për Gjykatë”, tha policia.

Prokurori i Shtetit ka urdhëruar që të ngrihet kallëzim penal për “Vrasje në tentativë”.