Në orët e para të së premtes një 19-vjeçar ka vdekur si pasojë e një aksidenti ku të përfshira kanë qenë tri vetura, një në lëvizje dhe dy të parkuara, si dhe dy këmbësorë.

Aksidenti ka ndodhur në orën 01:20 në rrugën “Fahri Fazliu” në Prishtinë.

Një nga këmbësorët nuk i ka mbijetuar plagëve që ka marrë.

“Si pasojë e aksidentit lëndime trupore kanë pësuar tre persona, një prej tyre (këmbësor) nuk ka arritë të përballojë plagët dhe të njëjtit kanë ndërruar jetë. Vdekjen e tij e ka konstatuar ekipi mjekësor në vendngjarje”.

Trupi i viktimës J.S., 19 vjeç, është dërguar për obduksion në Institutin e Mjekësisë Ligjore, ndërsa të dyshuarit (ngasësit të automjetit) me vendim të prokurorit i është shqiptuar masa e ndalimit për 48 orë.