Gjashtë të lënduar në aksidentin afër konvikteve në Prishtinë
16:50
Gjashtë të lënduar në aksidentin afër konvikteve në Prishtinë
Gjashtë persona janë lënduar në aksidentin që ka ndodhur në udhëkryqin në afërsi të Fakultetit Teknik në Prishtinë, ka njoftuar zëdhënësi i Policisë për rajonin e Prishtinës, Agron Borovci.
Në aksidentin që ngjau në pasditen e së mërkurës, të përfshira ishin dy vetura dhe një autobus.
“Rreth orës 15:30, është raportuar për një aksident trafiku në rrugën ‘Xheladin Rekaliu’ në Prishtinë. Nga informatat e para bëhet e ditur se në aksident janë përfshirë një autobus dhe dy vetura, ndërkaq deri më tani gjashtë persona kanë kërkuar ndihmë mjekësore. Njësia rajonale e trafikut ka dalë në vendin e ngjarjes dhe ka nisur një hetim lidhur me rrethanat e këtij aksidenti”, ka thënë Borovci.
15:40
Aksident afër konvikteve, dyshohet për të lënduar
Një aksident mes disa veturave ka ndodhur në udhëkryqin mes konvikteve dhe Fakultetit Teknik në Prishtinë, të mërkurën në mesditë.
