Një shqiptar 27-vjeçar është arrestuar në Greqi nën dyshimin se ka përdhunuar një 17-vjeçare, raporton “Proto Thema”.
Sipas gazetës greke shqiptari në rrjete sociale ishte shtirur se është nga Pakistani dhe po ashtu kishte postuar foto të rrejshme.
17-vjeçarja kur e raportoi rastin në Polici tha se i akuzuari është pakistanez, duke mos e ditur se ai është shqiptar.
Shqiptari i dyshuar raportohet se është pjesë e një grupi kriminal dhe përdori llogari false në Instagram për të kontaktuar nxënësen. Pas një komunikimi të gjatë e bindi 17-vjeçaren të takohet me të.
Pasi u takuan ai tërhoqi atë në një apartament në Korydallos dhe e përdhunoi.
Ai kishte lënë gjurmë në rrobat dhe trupin e viktimës, ndërsa e ktheu më pas në shtëpi dhe e kërcënoi të mos thoshte ndonjë gjë.
Ngjarja kishte ndodhur më 11 prill.
Sipas akuzës thuhet se shqiptari e kishte bindur 17-vjeçaren që të dalë me të rreth orës 21:30.
Më pas e mori atë me motoçikletë dhe e dërgoi në park. Fillimisht e puthi e pasi vajza i kërkoi të ndalonte ai e mori atë me dhunë dhe e dërgoi në një apartament të tij, ku e përdhunoi. Për t’u siguruar që mos të dëgjonin fqinjët ai ngriti zërin e televizorit.
Pasi e përdhunoi e dërgoi vajzën në shtëpi dhe i tha të mos e raportonte rastin.
Vajza në gjendje shoku e raportin rastin te Policia e Korydallos, ndërsa gjurmët e të akuzuarit u gjetën në rrobat e saj dhe trupin e saj.
Shqiptari 27-vjeçar u arrestua në shtëpinë e tij në Agia Varvara.
