Të shtënat në Prishtinë: një i plagosur e një i arrestuar

Një person është plagosur si pasojë e të shtënave me armë zjarri të shtunën në mbrëmje në rrugën “George Bush” në qendër të Prishtinës.

Policia e Kosovës ka njoftuar se ka arritur ta arrestojë të dyshuarin, I.I. 33-vjeçar. Atij i është sekuestruar edhe arma e zjarrit.

Forca policore kanë rrethuar vendin e ngjarjes, ndërsa qarkullimi i veturave është kufizuar.

Policia ka thënë se ka nisur hetimin për të sqaruar rrethanat që lidhen me rastin.

Siç ka mësuar KOHA, incidenti ka ndodhur në mes të dy taksistëve.