Kërcënohen me sëpatë dy punonjës të KEDS-it në Pejë
Foto: Ilustrim
Dy punonjës të KEDS-it janë kanosur nga një person në Pejë, ka njoftuar Policia të hënën. Sipas njoftimit, i dyshuari i ka kanosur punonjësit me sëpatë derisa po e ndërronin shtyllën e rrjetit të energjisë elektrike.
Arrestimi i tij është bërë të dielën në orën 11:15.
“Është arrestuar i dyshuari mashkull kosovar për shkak se i kishte kanosur me një sëpatë dy viktimat, punëtorë të KEDS-it, të cilët kishin qenë duke e ndërruar një shtyllë të rrjetit të energjisë elektrike. Me vendim të prokurorit i dyshuari është dërguar në mbajtje”, thuhet në njoftimin e plotë policor.
