Stacioni policor në Ferizaj ka bërë të ditur se me datën 31.10.2021 kishte pranuar një informacion se në fshatin Gërlicë të Ferizajt ishte një rast i kanosjes.

Si pasojë e hetimeve të kryera nga Policia, të mërkurën rreth orës 15:00, pas një pune hetimore policët hetues kanë arrestuar personin e dyshuar me inicialet L.A (M/K) 51 vjeçar, i cili kishte kanosur dy persona tjerë me inicialet S.M ( M/K) 31 vjeçar dhe K.M ( M/K) 22 vjeçar.

I dyshuari është shoqëruar në stacionin policor në Ferizaj dhe pas intervistimit nga ana e policisë, me vendim të Prokurorit të Prokurorisë Themelore në Ferizaj, i njëjti është dërguar në mbajtje për 48 orë për procedura të mëtejme hetimore.