Një institucion mikrofinanciar në Mitrovicë është grabitur të premten mbrëma, nën kërcënimin e një arme lodër.

Lajmin për KOHËN e ka konfirmuar zëdhënësja e Policisë së Kosovës për rajonin e Mitrovicës, Fexhrije Pllana, e cila ka thënë se policia ka arritur ta identifikojë të dyshuarin të cilit i është gjetur një shumë e të hollave dhe një armë lodër.

“Në rrugën “Shemsi Ahmeti” është raportuar për një rast grabitje, policia ka arritur ta identifikojë dhe ta arrestoj personin e dyshuar, ku te ai është gjetur një shumë e të hollave dhe një armë lodër”, ka thënë Pllana.

Ndërkohë, shuma e të hollave që i dyshuari ka grabitur nuk është bërë e ditur nga Policia.