Lajmërohet gruaja që u raportua e zhdukur me 5 fëmijët e saj

Është lajmëruar gruaja nga Pjetërshani i Gjakovës, e cila është raportuar si e zhdukur me 5 fëmijët nga bashkëshorti i saj.

Zëdhënësi i Policisë së Kosovës për Rajonin e Gjakovës Nysret Xhurkaj ka njoftuar për KOHËN se kjo grua është lajmëruar vetë në polici pas publikimit të lajmit, dhe ka njoftuar se bashkë me fëmijët gjendet në Fushë Kosovë.

Sipas zëdhënësit Xhurkaj gjendja e kësaj gruaje dhe e fëmijëve të saj është e mirë. Ai nuk ka mundur të flasë për arsyen e largimit të saj nga shtëpia.

"Për momentin policia po merret me rastin dhe nuk mund të them asgjë më shumë", ka thënë Xhurkaj.

Policia e Kosovës në raportin e saj 24 orësh sot ka njoftuar se "ankuesi mashkull kosovar nga fshati Pjetershan-Gjakovë ka raportuar se me 21.10.2021 në ora 23:00 kur ishte kthyer në shtëpi nuk i kishte gjetur në shtëpi bashkëshorten dhe pesë (5) fëmijët e tij dhe se nga ajo kohë nuk ka pasur kontakt me ta dhe nuk din për vend-ndodhjen e tyre".

Një person nga fshati Pjetershan i Gjakovës ka raportuar në Polici se me datën 21 tetori kur është kthyer në shtëpi nuk i ka gjetur bashkëshorten me pesë fëmijë.

Ai i ka thënë Policisë se që nga ajo ditë nuk ka pasur kontakt me ta dhe nuk din për vendndodhjen e tyre.

© KOHA. Të gjitha të drejtat janë të rezervuara.