Një person në Gjakovë u arrestua të enjten për mosrespektim të masave anti-COVID dhe sulm ndaj zyrtarëve policore.
Policia ka ndaluar veturën e të dyshuarit, i cili më pas nuk ka vendosur maskën gjatë kontaktit me policinë. Gjatë shqiptimit të tiketës, i dyshuari ka tentuar ta godasë policin.
“Njësiti policor gjatë pikës së kontrollit, sipas planit operativ ka ndaluar veturën të cilën e drejtonte i dyshuari mashkull kosovar, i njëjti nuk ka respektuar urdhrat e zyrtarëve policor për vendosje te maskës gjatë kontaktit me ta. Gjatë shqiptimit të një tikete i dyshuari ka dalë nga vetura duke tentuar ta godasë zyrtarin policor. I dyshuari është arrestuar dhe me vendim të prokurori pas intervistimit lirohet në procedurë të rregullt”, thuhet në raportin e PK-së.
