Kronikë

Arrestohet një 25-vjeçar që dyshohet për zjarrvënie në Ksamil

Policia shqiptare ka arrestuar një 25-vjeçar që dyshohet për zjarrvënie në Ksamil. Sipas njoftimit policor, E.Z., u kap në flagrancë të premten për veprën penale ‘shkatërrim i pronës me zjarr’.

Autoritetet njoftojnë se me rastin po merret prokuroria.

Mediat kanë raportuar për zjarre të mëdha në disa pjesë të Shqipërisë gjatë kësaj jave. Në Ksamil, zjarret kanë dëmtuar ullishtet, shkurret dhe pemë frutore.