Tre persona janë arrestuar në fshatin Denjë të Rahovecit pas informacioneve se kishte pasur të shtëna me armë zjarri në këtë fshat.
Policia ka ndaluar B.B, P.M. dhe B.M të cilët një ditë më parë në fshatin Denjë, kishin shtënë me armë si pasojë e një mosmarrëveshje të mëhershme.
Gjithashtu policia ka konfiskuar një armë automatike AK-47, një karikator dhe 11 fishek të kalibrit 7.62 mm, një pistoletë e tipit TT, një karikator dhe një pistoletë e tipit Stoeger, dy karikator dhe 79 fishek të kalibrit 9 mm.
