Një person ka mbetur i lënduar si pasojë e një aksidenti që ka ndodhur të dielën në rrugën Prishtinë-Podujevë.
Zëdhënësja e Policisë së Kosovës për rajonin e Prishtinës, Flora Ahmeti, ka thënë për KOHËN se aksidenti ka ndodhur rreth orës 11:30, saktësisht në fshatin Vranidoll.
“Rreth orës 11:30, në rrugën Prishtinë-Podujevë, përkatësisht në fshatin Vranidoll, ka ndodhur një aksident i komunikacionit rrugor në mes të dy automjeteve në lëvizje. Si pasojë e aksidentit ndihmë mjeksore ka kërkuar një person. Me rast po merret njësiti i trafikut”, ka thënë Ahmeti.
