Një person i vrarë është gjetur pasditen e së shtunës në fshatin Novosellë të Pejës, ka njoftuar Policia e Kosovës. Siç ka mësuar KOHA, i dyshuari për vrasjen dhe viktima janë të afërm, ndërsa rasti dyshohet se ka ndodhur pas mosmarrëveshjeve për prona.
Policia i ka thënë KOHËS se i dyshuari ndodhet në arrati.
Policia dhe njësitet relevante kanë dalë në vendin e ngjarjes dhe po merren me rastin.
Policia e Kosovës i ka thënë KOHËS se në periudhën janar-mars të këtij viti kanë ndodhur 6 vrasje.
