Një person është therur me thikë në Çagllavicë dhe për shkak të lëndimeve është dërguar për trajtim në Qendrën Klinike dhe Universitare të Kosovës.
Zëdhënësi i Policisë për rajonin e Prishtinës, Agron Borovci, tha se policia ka nisur hetimin.
“Rreth orës 13:30 policia ka marrë informatën për një person i cili ka kërkuar ndihmën mjekësore në QKUK për shkak të lëndimeve nga një mjet i mprehtë. Dyshohet që ngjarja të ketë ndodhur në fshatin Çagllavicë. Policia menjëherë ka filluar me trajtimin e të gjitha informacioneve që ndërlidhen me rastin dhe aktualisht ka nisur një hetim me qëllim zbardhjen e rrethanave që karakterizojnë ngjarjen”, ka deklaruar ai.
