Policia e Kosovës ka sekuestruar një sasi të konsiderueshme të substancës narkotike që dyshohet të jetë e llojit kanabis.
Kjo ka ardhur pas një aksioni në rrugën “Nëna Terezë” në Fushë Kosovë ku policia ka ndaluar veturën e tipit BMW me targa të Kosovës.
I dyshuari R. K, mashkull 29-vjeç, shtetas i Republikës së Kosovës, është arrestuar dhe është proceduar më tej , ndërkaq me rekomandimin e prokurorit të shtetit ndaj tij policia ka iniciuar një hetim për posedim të paautorizuar të substancave narkotike, psikotrope ose analoge.
