Kronikë

Grabitje në dy institucione financiare për 10 minuta në Prishtinë

Për vetëm 10 minuta hajnat kanë arritur të kryejnë dy grabitje në institucione financiare në qendër të Prishtinës.

Siç ka njoftuar, Policia njëra grabitje ka ndodhur në kryqëzimin e rrugëve “Edmond Hoxha” dhe “Hajrullah Abdullahu”, ndërsa tjetra në kryqëzimin e rrugës “Bill Klinton”.

Zëdhënësi i Policisë, Agron Borovci ka thënë për KOHËN se rasti i parë ka ndodhur në orën 10:30, ndërsa tjetri është raportuar fiks dhjetë minuta më pas.

Për rastet, policia ka thënë se bazuar në informacionet e para dyshohet që grabitja të jetë kryer nga një person që dyshohet të ketë qenë i armatosur.

“Policia ka filluar hetimet bashe me ndërmarrjen e veprimeve të nevojshme policore me qëllim ndriçimin e rastit”, ka thënë Borovci.

Hajnat kanë intensifikuar veprat e tyre ditëve të fundit. Një ditë më parë ka mbetur i plagosur një zyrtar i policisë së Kosovës, derisa ishte duke ndaluar një vjedhje tjetër në një bankomat në një nga qendrat tregtare në lagjen “Veterrnik”.