Një grua në Komunën e Gjilanit ka shkaktuar një aksident trafiku duke goditur dy këmbësorë.
Rasti ka ndodhur gjatë së hënës ndërsa Policia e Kosovës njofton se të lënduarit në këtë aksident janë një grua dhe një burrë, që iu është ofruar trajtimi mjekësor. Aksidenti ka ndodhur si pasojë e pakujdesisë së vozitëses ndërsa pas intervistimit, rasti ka shkuar në procedurë të rregullt.
Policia e Kosovës ka njoftuar se gjatë 24 orëve të fundit, në Kosovë janë shkaktuar edhe tri aksidente trafiku. Një ka ndodhur në Suharekë ndërsa dy të tjerë në Mitrovicë dhe Vushtrri.
