Një 26-vjeçare nga fshati Çirezë, komuna e Skenderajt është zhdukur që një javë.
Familjarët e saj kanë kontaktuar redaksinë e Kohës, për ta paraqitur rastin me qëllim që t’u ofrohet ndihmë.
Egzona Ferati, sipas familjarëve, është zhdukur që 7 ditë.
Rastin thonë ta kenë raportuar edhe në Policinë e Kosovës para 4 ditësh, por deri tash nuk ka shenja rreth saj.
Familjarët thonë është e gjatë 160cm. Së fundmi, sipas familjarëve, ajo ka pasur të veshur një bluzë ngjyrë hiri.
Sipas familjarëve, në kërkim të saj janë edhe një grup vullnetarësh.
KOHA ka dërguar disa pyetje edhe në Policinë e Kosovës, por ende s’ka marrë përgjigje.
Por në një raport policor të datës 16 tetor, policia njofton për zhdukjen e saj.
“Skenderaj - ankuesi m/k raporton se motra e tij f/k me datën e lartcekur ka dalë nga shtëpia dhe ende nuk është kthyer”, thuhet në raport.
