Shërbimi Korrektues i Kosovës (SHKK), ka njoftuar se rreth orës 12:00 sot, i burgosuri H.SH., kishte tentuar të arratisej nga Qendra Korrektuese në Smrekonicë.
Madje gjatë tentimit ai kishte kaluar edhe perimetrin e jashtëm të sigurisë, por siç është bërë e ditur stafi ka reaguar menjëherë dhe është parandaluar arratisja.
“I dënuari është veçuar deri në dëgjimin disiplinor, ndërsa është bërë komplet raporti i ngjarjes dhe incidentit. H. SH , është i dënuar me një vit e gjashtë muaj për veprën penale; ndihmë në grabitje. Shërbimi Korrektues i Kosovës përmes mekanizmave të sigurisë do të vazhdoj të mbetet i përkushtuar çdoherë në kryerjen e detyrave dhe nuk do të lejoi në asnjë mënyrë cenimin e institucioneve korrektuese me veprime të tilla”, është njoftuar nga SHKK-ja.
