Banorët e fshatit Morinë të komunës së Skenderajt ankohen se askush nuk po bën asgjë për t’ua zgjidhur çështjen e ujit të pijshëm.
Sipas tyre, janë ankuar disa herë, por asgjë nuk është ndërmarrë, dhe ndonëse kanë hapur puse në oborret e tyre, uji nuk është i pijshëm.
Por, të njëjtin problem e ka edhe fshati Kryshec.
Hajriz Koci, zëdhënës i komunës së Skenderajt, thotë se ka përfunduar projektimi i rrjetit të ujësjellësit për fshatin Kryshec.
Koci thotë se shumë shpejt të njëjtin fat do ta ketë edhe Morina pasi rrjeti është dhe vetëm pritet të vihet në funksion.
