Obiliqi i gatshëm për lirimin e qytetarëve nga tatimi deri 100 euro, ka dy kërkesa për MF-në

Në seancën e jashtëzakonshme të Kuvendit Komunal të Obiliqit janë votuar me dhjetë vota pro dy rekomandime për Ministrinë e Financës, Punës dhe Transfereve.

Siç ka njoftuar në Facebook kryetari i Obiliqit, Xhefar Gashi, në rekomandimin e parë është thënë se Komuna e Obiliqit është e gatshme për lirimin e qytetarëve nga tatimi në pronë deri në 100 euro, ndërsa ka rekomanduar MF-në që ta plotësojë me infrastrukturën ligjore për ta bërë këtë.