Kosovë

Rrjedhja e kanalizimit i lë banorët e Dardanisë në Ferizaj pa punuar tokën qe 4 vjet

 

Telashe me ujëra të zeza, që kanë depërtuar mbi sipërfaqen e tokës, kanë tash e sa vjet banorët e fshatit Dardani të Komunës së Ferizajt. Krahas kundërmimit, ata thonë se s’po mund t’i punojnë as parcelat e tyre bujqësore. Në komunë ndërkaq pohojnë se në këtë fshat kanë ndërhyrë disa herë, tek e hedhin fajin te banorët, duke thënë se ata po hedhin mbeturina në rrjetin e kanalizimit.

Telashe të shumta, krahas kundërmimit, po u shkaktojnë ujërat e zeza banorëve të fshatit Dardani në Ferizaj.

Tash e 4 vjet ata s’mund ta punojnë tokën, si pasojë e rrjedhjes së kanalizimit që ka shpërthyer mbi sipërfaqen e tokës.