Kosovë

Ndëshkohet infermierja në Lipjan që ia dha infuzionin pacientit në oborr të QKMF-së

 

Një vërejtje me shkrim i është shqiptuar infermieres së Emergjencës në Lipjan, Ganimete Qeriqi, për shkak se ia kishte dhënë infuzionin një pacienti në oborr të Qendrës Kryesore të Mjekësisë Familjare. Ndaj Qeriqit janë paralajmëruar edhe masa tjera disiplinore, nëse ndodh ndonjë shkelje tjetër brenda dy vjetëve.

Në fund të gushtit pati bërë bujë një fotografi në të cilën shihej infermierja që ia jepte infuzionin një qytetari të Lipjanit, i prekur me COVID-19, në hyrje të objektit të QKMF-së. Atë kohë ajo pati thënë se e ka bërë këtë veprim “pasi që pacienti ishte shumë i lodhur dhe me qëllim që të mos presë shumë gjatë në rradhë”.