Kosovë

Qendra e vaksinimit në Pejë mbetet në terr, qytetarët kthehen prapa derisa të kthehet rryma

 

Qytetarët që kishin shkuar pas orës 16.00 sot për të marrë vaksinën kundër Covid-19 në qendrën e vaksinimit në Pejë, ju është dashur të kthehen prapa pasi në qendër u ndal rryma.

“Shkon të vaksinohesh dhe tamam hyn brenda e ndalet rryma. Prita 10 minuta e me than shko në shpi edhe kur të vjen rryma eja. Eja pas një ore ndoshta vjen rryma, kështu na thanë në qendër të vaksinimit. Është diçka qe ndodh, por duhet me pas gjenerator, qe ekipi me vazhdua punën, që qytetaret mos me u kthye, sepse askush nuk e ka durimin me prit një orë a ma shumë sepse askush nuk garanton që pas një ore mund të vij rryma”, tregon për KOHËN qytetarja Elona Myrta-Lajqi, që ishte shkuar të vaksinohet por shkaku i mungesës së rrymës ishte kthyer prapa.