Arbëri

RRGK proteston në Lipjan për rastin e 13-vjeçares

Pas rastit të dhunimit të 13-vjeçares nga Janjeva muajin e kaluar, Rrjeti i Grave të Kosovës ka organizuar protestë para Qendrës për Punë Sociale në Lipjan, për të kërkuar drejtësi dhe përgjegjësi institucionale.

Sipas Rrjetit të Grave, ky institucion e kishte neglizhuar rastin , pasi që ka qenë e informuar, mirëpo nuk ka ndërmarrë hapat e nevojshëm, ashtu siç parashihet me ligj, për të parandaluar abuzimin zinxhiri që i është bërë së miturës.

Rrjeti i Grave ka kërkuar që të mbahet në përgjegjësi menaxherja e këtij rasti pasi kishte qenë e informuar kur e mitura ishte e pa strehë.

Valmira Rashiti ka thënë se institucionet kanë qenë neglizhente dhe nuk kanë reaguar për rastin.

“Specifikisht deklarata e Policisë tregon se Qendra për Punë Sociale ka qenë në dijeni që e mitura ka pësuar dhunë, ka mbetur e pastrehë dhe nuk kanë reaguar me kohë. Kemi ardhur për të protestuar dhe për të kërkuar llogaridhënie prej QPS-së dhe me tregu se çfarë ka ndodhur”, ka thënë ajo.