Arbëri

Opozita në Lipjan reagon pas arrestimit të zyrtarit publik

Pas arrestimeve të fundit të zyrtarëve Hyzer Rizani, kryetar i këtij subjekti, ka thënë se vazhdimisht kanë ngritur zërin dhe kanë ofrua fakte publike për keqmenaxhimin dhe keqpërdorimin e detyrës zyrtare nga zyrtarët e komunës së Lipjanit.

Sipas tij, edhe për inspektorin (P.K) i cili është arrestuar gjatë ditës, opozita kishte reaguar në nëntor të 2020-s nën dyshimin e keqpërdorimit të detyrës zyrtare dhe subvencioneve.

“Pikërisht për këtë zyrtar ne kemi reaguar në fund të vitit të kaluar nën dyshimin e keqpërdorimit të detyrës zyrtare dhe subvencioneve. Ne mbështesim aksionet dhe punën e organeve kompetente që vepruan sot edhe në komunën e Lipjanit për të ndaluar keqpërdorimin e zyrtarëve komunal. Zyrtarët e dyshuar janë pjesë e strukturave të LDK-së në Lipjan dhe kanë patur mbështetje të fuqishme nga kryetari Ahmeti”, ka thënë Rizani. Sipas tij, çdo keqpërdorim i detyrës zyrtare nga administrata, bëhet nën motivimin e kryetarit Ahmeti i cili sipas Rizanit në vazhdimësi bënë diskriminim në ofrimin e shërbimeve komunale.

“Ne e kemi ngritur zërin në vazhdimësi rreth keqpërdorimeve të tilla. Ne i inkurajojmë të gjithë qytetarët e Lipjanit që të reagojnë institucionalisht për çfardo shkelje, detyrimi, diskriminimi e pengimi që iu bëhet nga ana e udhëheqjes së komunës tonë. Ne inkurajojmë organet kompetente që të vazhdojnë madje “ex officio” që të hetojnë të gjitha drejtoritë sepse komuna e Lipjanit është e stërmbushur me shkelje ligjore për këto 8 vite qeverisjeje”, ka shtuar Rizani.