Kosovë

Dyshohet se në Pejë deri tash janë infektuar deri në 20 mijë veta

Dyshohet se në Pejë deri tash janë infektuar deri në 20 mijë veta
 

Çdo ditë e më shumë është duke u rritur numri i të infektuarve me Covid-19 në komunën e Pejës. Shtimi i rasteve ka shtuar edhe numrin e të hospitalizuarve në Spitalin e Përgjithshëm në Pejë, ku aktualisht janë duke u trajtuar 145 pacientë, kryesisht banorë të kësaj komune.

Sa i përket gjendjes së pacientëve, siç tregon zëdhënësi i këtij spitali, Naim Sahiti, katër pacientë janë në respirator (CPAP), 93 pacientë janë në oksigjeno terapi, ndërsa nga këta 27 pacientë janë në gjendje më të rëndë. Me këtë numër të pacientëve të shtrirë në këtë spital, është plotësuar pothuajse i tërë kapaciteti prej 166 shtretërve në pesë repartet e liruara deri më tash për trajtimin e pacientëve me Covid-19. Objekti dy katesh i repartit të mushkërive, reparti i internos, i infektives, neurologjisë dhe psikiatrisë.