Kosovë

Zemaj e quan shqetësuese rritjen e numrit të rasteve me COVID-19 në Podujevë

Zemaj e quan shqetësuese rritjen e numrit të rasteve me COVID-19 në Podujevë
 

Ministri i Shëndetësisë, Armend Zemaj dhe Ministri i Punëve të Brendshme, Agim Veliu, kanë marrë pjesë në takimin e sotëm të Shtabit Emergjent të Komunës së Podujevës për veprime dhe masa parandaluese e mbrojtëse nga Covid-19, ku është shqyrtuar gjendja aktuale me pandeminë dhe zbatimin e vendimit të fundit të Qeverisë për masat e veçanta për mbrojtjen nga pandemia Covid-19.

Në takimin e Shtabit Emergjent nënkryetari i komunës së Podujevës, Nexhmi Rudari, tha se pavarësisht masave të fundit nga Qeveria e Kosovës për kufizim të lëvizjes dhe veprimtarive, në Komunën e Podujevës ka përkeqësim të gjendjes epidemiologjike dhe rritje të numrit të prekurve me COVID-19.