Drejtoria e Inspeksionit në Gjilan ka rrënuar një objekt që po ndërtohej në pronën komunale, në lagjen “Arbëria”.
Drejtori i Inspeksionit, Nevzad Rushiti, ka bërë të ditur pse nuk do të ketë tolerancë ndaj atyre që tentojnë të ndërtojnë në pronë komunale, por as ndaj atyre që tentojnë të ndërtojnë pa leje, është njoftuar nga komuna e Gjilanit.
Ai ka paralajmëruar se përpos rrënimit, këta persona do të përballen edhe me organet e drejtësisë, pasi uzurpimi i pronës komunale konsiderohet vepër e rëndë.
Ai po ashtu ka treguar se Gjilani do të vazhdojë të lirojë hapësirat publike nga rrethojat e metalta në qytet.
