Arbëri

Korisha futet në karantinë, 70-vjeçarja e infektuar me koronavirus në gjendje të rëndë shëndetësore

Një 70-vjeçare nga fshati Korishë e Prizrenit, e cila një ditë më parë rezultoi me Covid-19 është në gjendje të rëndë shëndetësore.

Për shkak të problemeve pulmonare, infektologët në Klinikën Infektive kanë thënë se gjendja shëndetësorë e saj është e rënduar, raporton KOHA.

Por, mosidentifikimi i burimit të kontaktit të pacientit të fundit me Covid-19 në Komunën e Prizrenit ka vënë në alarm autoritetet këtu.

Fshati prej nga vjen pacientja e infektuar që nga mbrëmë është futur në karantinë.

70-vjeçarja e infektuar para se të testohej për Covid-19 ishte e shtrirë në Spitalin e Prizrenit dhe ishte trajtuar nga stafi shëndetësor në fshatin Korishë.

Të premten pjesëtarë të Policisë Kosovës kanë bllokuar të gjitha hyrje-daljet e fshatit prej nga vjen e infektuara.

Shumë prej tyre thonë të jenë të shqetësuar me ndalimin që u është bërë atyre të lëvizin jashtë fshatit.

Deri më tani në Komunën e Prizrenit 3 persona kanë rezultuar pozitivë me Covid-19.