Autoritetet lokale të Prizrenit kanë bërë të ditur se rasti i konfirmuar me COVID-19 është një burrë 58 vjeç nga lagja “Ortakoll”.
Drejtori i Shëndetësisë dhe njëherësh koordinatori i Shtabit emergjent lokal, Visar Shehu të martën ka deklaruar se ky person është infektuar jashtë vendit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Personi në fjalë ka 2 javë që ka ardhur në Kosovë nga Bullgaria. Ai ka qenë në vetizolim... Sipas informacioneve që kemi, ai nuk ka patur kontakte për shkak të vetizolimit dhe vetkarantinimit. Në ditën e 12-të të vetkarantimit apo vetizolimit, personit në fjalë kanë filluar t’i shfaqen simptomat e para, temperatura dhe dje ka shkuar për tu testuar dhe sot kemi rezultatin që ka dalë pozitiv, apo i infektuar me virusin COVID-19”, ka thënë Shehu.
Sipas tij, në këtë rast është testuar edhe bashkëshortja e personit në fjalë dhe ajo ka rezultuar negative.
“IKShPK-ja, në bazë të anamnezës, të gjithë personat që kanë pasur kontakt eventualisht me të, do t’i testojë”, ka deklaruar Shehu.
Koordinatori i Shtabit emergjent komunal ka bërë të ditur se në Komunën e Prizrenit në vetizolim kanë qenë 22 persona, të gjithë të ardhur nga shtetet e prekura me koronavirus, të cilët janë rekomanduar që të vetizolohen.
“Një pjesë e madhe e tyre kanë kaluar fazën e vetizolimit 2 javësh”, ka thënë Shehu, duke u bërë thirrje qytetarëve që të kenë kujdes të shtuar dhe t’i respektojnë masat e vendosura nga institucionet përgjegjëse.