Komuna e Drenasit ka ndarë 229.200 euro për të plotësuar nevojat që dalin në situatën emergjente që po kalon kjo komunë si pasojë e Covid-19, ka njoftuar të mërkurën Zyra për Informim.
“Kryetari Lladrovci ka falënderuar asamblistët për bashkëpunim, shtabin emergjent, stafin shëndetësor, stafin shëndetësorë vullnetarë, zyrtarët policorë, zjarrfikësit, punonjësit e kompanive regjionale, njësitë në Drenas, kompanitë e ndryshme që vullnetarisht kanë ndihmuar në forma të ndryshme”, thuhet në komunikatë.
Ditëve të kaluara, edhe komuna të tjera kanë ndarë mjete për parandalimin e përhapjes së koronavirusit.
