Kosovë

Tre persona nga Anamorava dyshohen se janë prekur me koronavirus

Tre persona nga Anamorava dyshohen se janë prekur me koronavirus

Tre persona nga rajoni i Anamoravës dyshohen se janë të prekur me koronavirus. 

Nga Spitali Regjional i Gjilanit ata janë dërguar në Klinikën Infektive në Prishtinë për diagnostifikim dhe trajtim. Drejtori i Spitalit Regjional të Gjilanit, Nisret Hajrullahu, ka deklaruar se stafi shëndetësor është përgatitur sa u përket masave mbrojtëse. “Janë dërguar tre persona në Klinikën e Sëmundjeve Infektive në Prishtinë të cilët dyshohen se janë prekur me koronavirus. Për këto raste kemi vetëm dyshime, mirëpo ende nuk kemi informata nga Prishtina. Ata po qëndrojnë në Prishtinë dhe jemi në pritje të rezultatit. Një pacient është nga Vitia, kurse dy të tjerët janë nga rrethi i Gjilanit. Stafi shëndetësor është duke respektuar masat mbrojtëse dhe nuk ka nevojë që dikush nga stafi të vendoset në karantinë me arsyetimin se në spital kemi pasur një pacient i cili dyshohet se është prekur me koronavirus. Sepse nëse shkojmë në këtë mënyrë, atëherë i tërë spitali duhet të vendoset në karantinë pas çdo rasti të dyshimtë”.