Asnjë parti nuk i ka zyrtarizuar kandidaturat për kryetar të Podujevës Foto: Ilustrim

Asnjë parti nuk i ka zyrtarizuar kandidaturat për kryetar të Podujevës

Nexhat Tovërlani Nexhat Tovërlani 15 February 2020 08:25

Asnjë parti politike nuk ka paraqitur kandidatët për zgjedhjet e jashtëzakonshme për kryetar të Podujevës, që do të mbahen në gjysmën e muajit mars të këtij viti. 

Kjo është bërë e ditur edhe në mbledhjen e Komisionit Qendror të Zgjedhjeve (KQZ) që është mbajtur të premten. Kryeshefi ekzekutiv i Sekretariatit të KQZ-së, Yll Buleshkaj, ka thënë se nuk u ka shkuar asnjë aplikacion për kandidatë nga partitë politike, shkruan sot Koha Ditore.

Kur kanë mbetur edhe tri ditë deri në afatin e fundit që është përcaktuar nga KQZ-ja për të aplikuar (deri më 17 shkurt), vetëm një kandidat për kryetar të Podujevës është propozuar deri tash për këto zgjedhje. Organizata e Ballit Kombëtar Demokrat (OBKD), e ka propozuar Gazmend Islamin si kandidat për kryetar të Komunës së Podujevës. Megjithatë, as ai ende nuk është zyrtarizuar dhe se kjo parti nuk e ka dërguar emrin e tij në KQZ. 

Pa kandidat ende është Lidhja Demokratike e Kosovës, e cila që nga paslufta e ka udhëhequr Komunën e Podujevës. Anëtari i Kryesisë së Degës së LDK-së, Nexhmi Rudari, ka thënë se po i presin propozimet nga nëndegët, për të vendosur pastaj për kandidatin. 

“Ne si parti ende nuk kemi biseduar për emra, sepse presim edhe propozimet nga nëndegët. Në momentin që i kemi propozimet, ne si Kryesi do të përcaktohemi për një kandidat”, ka theksuar Rudari. 

(Artikullin e plotë mund ta lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme