Dyshohet se ngacmoi seksualisht nxënësen, 48 orë ndalim për një mësimdhënës në Vushtrri Foto: Koha / ilustrim

Dyshohet se ngacmoi seksualisht nxënësen, 48 orë ndalim për një mësimdhënës në Vushtrri

Edona Kutleshi Edona Kutleshi 22 January 2020 07:50

Policia e Kosovës ia ka shqiptuar masën e ndalimit prej 48 orëve, një mësimdhënësi të gjimnazit “Eqrem Qabej” në Vushtrri, me dyshimin se ka sulmuar seksualisht nxënësen e tij të klasës së 10-të.

Rasti ka ndodhur të premten e javës së shkuar në objektin e gjimnazit. Për rastin, drejtori i shkollës është njoftuar të hënën nga vetë vajza dhe prindi i saj. Ka reaguar menjëherë edhe Policia, e cila e ka intervistuar profesorin me inicialet H.A.

Të dyshuarit i është shqiptuar masa e ndalimit prej 48-orëve. Të martën, Drejtoria e Arsimit në Vushtrri ka marrë vendim për suspendim të përkohshëm të profesorit, shkruan sot “Koha Ditore”.

Zyrtarë të Policisë së Kosovës nuk kanë dhënë detaje, por kanë sugjeruar që për këtë rast t’i referohemi raportit 24-orësh të Policisë. Në raport rasti është cilësuar si sulm seksual.

“Viktima femër K/shqiptare e moshës së mitur ka deklaruar se është ngacmuar seksualisht nga i dyshuari mashkull K/shqiptar. I dyshuari është dërguar në mbajtje”, thuhet në raportin e Policisë.

(Artikullin e plotë mund ta lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme