Ambulancat e dy fshatrave të Lipjanit pa laboratorë për analiza

Banorët e fshatrave Smallushë dhe Banullë të Komunës së Lipjanit prej disa vjetësh po përballen me mungesën e laboratorëve për analiza.

Për këtë shkak banorët po obligohen t’i marrin shërbimet në Qendrën Kryesore të Mjekësisë Familjare në Lipjan.

Në komunë kanë thënë se brenda dy vjetëve të ardhshëm do të kompletohen me laboratorë të analizave katër qendra të mjekësisë familjare, shkruan sot Koha Ditore.

Hyzer Rizani, kryetar i PDK-së, dega në Lipjan, ka reaguar të martën rreth kësaj çështjeje duke sqaruar se me ligjet e udhëzimet administrative në fuqi komuna është e obliguar të ndërtojë AMF për çdo 2 mijë banorë në një lokalitet.

(Artikullin e plotë mund ta lexoni sot në “Koha Ditore”)