Kosovë

Në Kamenicë kërkohet ndihmë nga qytetarët për shuarjen e zjarrit që është përhapur në pyje

Në Kamenicë kërkohet ndihmë nga qytetarët për shuarjen e zjarrit që është përhapur në pyje

Zjarrfikësit tash e 3 ditë janë duke bërë përpjekje që të shuajnë zjarrin në pyjet e Meshines që ndodhet 4 kilometra larg qytetit të Kamenicës. Mirëpo zjarri ende nuk është lokalizuar dhe njësia e zjarrfikësve është duke kërkuar nga qytetarët që t’u dalin në ndihmë me qëllim shuarjen e zjarrit i cili është përhapur në një sipërfaqe, të cilin nuk munden të mbulojnë me numrin e personelit që ata kanë, raporton Koha Ditore.

Komandanti i Stacionit të Zjarrfikësve në Kamenicë, Riza Bunjaku, deklaron se ata janë duke intervenuar në fikjen e zjarrit edhe në pjesë të ndryshme të Kamenicës e cila ka ndikuar që të limitohen edhe kapacitet e tyre.