Kosovë

LDK: Komuna e Obiliqit nuk i ka të qarta kompetencat për subvencionimin e energjisë

LDK: Komuna e Obiliqit nuk i ka të qarta kompetencat për subvencionimin e energjisë
 

Partia opozitare në Obiliq, LDK, po dyshon se zyrtarët komunalë ende nuk i kanë të qarta kompetencat e tyre rreth zbatimit të Ligjit për Obiliqin-pjesën e subvencionimit të energjisë elektrike për qytetarët e zonës së rrezikuar.

Kuvendi Komunal kishte miratuar më herët një Rregullore për këtë çështje, por po ajo i ishte kthyer mbrapsht për shkak të shpërputhjeve ligjore. Po ai e ka miratuar sërish këtë Rregullore, pas disa ndryshimeve që i kanë bërë. Megjithatë, ish-kryetari i kësaj komune, Mehmet Krasniqi, njëherësh edhe kryetar i Degës së LDK-së në Obiliq, thotë se komuna po i ngarkon vetes kompetenca që nuk i takojnë. Sipas tij, çështja e subvencionimit të çmimit të energjisë elektrike për zonën e rrezikuar mjedisore, është kompetencë e Ministrisë së Zhvillimit Ekonomik dhe jo e Komunës, shkruan sot Koha Ditore.