-
Nga:
Agim Ademi
- 3 qershor 2019 13:10
- Shpërndaje në:
Subjekti më i madh opozitar, Partia Demokratike e Kosovës dega në Lipjan, ka akuzuar ekzekutivin e Komunës me arsyetim se për herë të dytë i është mohuar qasja në dokumente publike.
Ky subjekt nëpërmjet procedurave zyrtare ka kërkuar kontratën për ndërtimin e sheshit “Adem Jashari”, nën dyshimin se punimet nuk janë realizuar sipas marrëveshjes me Komunën, pastaj në mesin e dhjetëra dokumenteve të tjera ka kërkuar edhe lejet e objekteve banesore për periudhën 2014-2019, derisa ka dyshuar se ato po ndërtohen pa kritere.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoOpozita edhe një herë ka kërkuar nga Komuna t’i përgjigjej kërkesës së tyre për qasje në dokumente publike me qëllim që lëndën të mos e procedojë nëpër gjykata, e cila më pastaj do t’i kushtojë buxhetit të kësaj komune, por edhe zyrtarëve të saj. Rreth kësaj çështjeje, PDK-ja ka mbajtur edhe konferencë për media nëpërmjet të cilës ka njoftuar se Drejtoria e Prokurimit dhe ajo për Shërbime Publike nuk ia kanë ofruar dokumentet e kërkuara.
Hyzer Rizani, kryetar i PDK-së dega në Lipjan, ka thënë se vetë mohimi i qasjes në dokumente publike ngre dyshime se ndërtimet e larta po bëhen pa kritere, pastaj si pasojë e kësaj po cenohen edhe projektet e tjera infrastrukturore, siç është rasti i rrugës me katër korsi.
(Artikullin e plotë mund ta lexoni sot në “Koha Ditore”)