Inspektorati komunal i Podujevës të hënën ka filluar largimin e kioskave në rrugën “Zahir Pajaziti” dhe atë “19 Qershori”, përreth objektit që ishte i dedikur për shtëpi të kulturës e për të cilin e kishte humbur kontekstin gjyqësor. Shfrytëzuesit e këtyre kioskave kanë thënë se vendimi i Komunës do t’i lërë keq, pasi prej atyre lokaleve-montazh e kanë siguruar jetesën. Këpucëtari Rizah Mustafa që e punon këtë zanat qe 40 vjet, thotë se nuk ia del të paguajë qira të ndonjë lokali tjetër. Për këtë arsye thotë se kioskun do ta bartë në oborr.
Edhe shfrytëzuesi i një kiosku tjetër, të cilin e ka përdorur për kozmetikë, ka thënë se krejt mallin i duhet ta çojë në shtëpi, pasi nuk ka mundësi të marrë lokal tjetër.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNë anën tjetër, zyrtarët komunalë të Podujevës kanë thënë se aksioni do të vazhdojë deri në largimin e të gjitha kioskave nga këto hapësira. Zëdhënësi i Komunës, Nazmi Elezi, thotë se aksioni i ditës së hënë është zhvilluar pa asnjë problem.
Në vendimin e Drejtorisë së Inspektoratit të muajit dhjetor ishin paralajmëruar edhe masa ligjore nëse këta shfrytëzues nuk i largojnë vetë këto objekte.
(Gjerësisht, sot në "Kohën Ditore")