Rregullat e shkollës subjekt diskutimi në Kuvend

Rregullat e shkollës subjekt diskutimi në Kuvend

07 dhjetor 2018 13:13

Fushë-Kosovë, 6 nëntor –Nxënësit e shkollës fillore “Vëllezërit Frashëri” në Miradi të Poshtme të Fushë-Kosovës nuk lejohen të hyjnë as në oborr të shkollës, në rast se ata shkojnë para se të fillojë mësimi.

Kjo çështje është ngritur edhe në seancën e fundit të Kuvendit Komunal të Fushë-Kosovës. Këshilltari i PSD-së, Mehdi Lahu, e ka pyetur drejtorin për Arsim në këtë Komunë, Islam Shabanin, se pse drejtori i shkollës nuk lejon nxënësit të futen në shkollë.

“Pyetje për drejtorin e Arsimit, e cila është edhe ankesë e qytetarëve, përkatësisht prindërve të nxënësve. Pse dhe për çfarë qëllimi nuk u lejohet nxënësve të shkollës fillore ‘Vëllezërit Frashëri’ në Miradi të Ulët, cikli i ulët mësimi i ndërrimit të pasdites nga klasa e I-V që të qëndrojnë dhe të futen në oborrin e shkollës deri në 12:50, d.m.th. 10 para fillimit të mësimit pasi që sipas prindërve ka hapësirë të mjaftueshme e të betonuar në oborrin e shkollës ku ata mund të qëndrojnë, dhe janë detyruar të qëndrojnë jashtë oborrit të shkollës ku mungon edhe higjiena dhe siguria për nxënësit e kësaj shkolle?”, ka pyetur Mehdi Lahu.

“Po ashtu sipas prindërve, nxënësit e kësaj shkolle gjatë verës, por edhe gjatë dimrit e bëjnë ndërrimin e të mbathurave jashtë duke mos i lejuar të futen brenda. Pyetja dhe shqetësimi i prindërve është që sidomos nxënësit e klasës së parë, gjatë dimrit kanë këmbët e lagura si pasojë që detyrohen të bëjnë ndërrimin e mbathjeve jashtë shkollës e jo brenda, e që ndërrimin e tyre do të mundë ta bënin në korridorin e shkollës”/ Nexhat Tovërlani. (Më gjerësisht mund të lexoni sot në Koha Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme