Aktakuzë për keqpërdorim të detyrës zyrtare ndaj ish-drejtorit të Inspektoratit në Prizren Foto: Koha

Aktakuzë për keqpërdorim të detyrës zyrtare ndaj ish-drejtorit të Inspektoratit në Prizren

01 November 2018 08:41

Prokuroria Themelore në Prizren – Departamenti i Krimeve të Rënda, ka ngritur aktakuzë kundër të pandehurit B.N. ish - drejtor i Drejtorisë Komunale të Inspektorateve në Prizren, për shkak se ka kryer veprën penale “Keqpërdorim i pozitës apo autoritetit zyrtar”.

Burime të KTV-së kanë konfirmuar se bëhet fjalë për zv/ministrin në Ministrinë e Administratës Publike, Bujar Nerjovaj, sa ishte drejtor i Inspektoratit.

Rasti ka të bëjë me lejimin e punimeve për disa nga hotelet kryesore në zonën historike në Prizren.

Sipas aktakuzës, i pandehuri B.N. si person zyrtar me mosveprim duke shfrytëzuar detyrën apo autoritetin zyrtar, nuk e ka përmbushur detyrën zyrtare, me qëllim të përfitimit të dobisë për personin tjetër apo që t’i shkaktoj dëm personit tjetër, në atë mënyrë që në cilësinë e ish - drejtorit të Drejtorisë Komunale të Inspektorateve në Prizren, nuk i ka siguruar kushtet për t’i ekzekutuar konkluzionet e lëshuara nga inspektorët e ndërtimtarisë, për rrënimin e detyrueshëm të mbindërtimeve dhe ndërtimeve të 4 objekteve hoteliere në afërsi të sheshit “Shatërvan” në Prizren.

Ato janë ndërtuar pa leje apo në kundërshtim me lejet e dhëna, të gjitha këto të ndërtuara në Zonën e Parë të Qendrës Historike në Prizren, me ç‘rast është dëmtuar trashëgimia kulturore e arkitektonike e Qendrës Historike të Prizrenit si dhe për shkak të mos pagesës së detyrimeve, është dëmtuar buxheti i Komunës së Prizrenit për 36,143.00 Euro.

“I pandehuri, kësodore ka kryer veprën penale “Keqpërdorim i pozitës apo autoritetit zyrtar” nga neni 422 paragrafi 1 të Kodit Penal të Republikës së Kosovës”, thuhet në fund të sqarimit nga Prokuroria.

© KOHA. Të gjitha të drejtat janë të rezervuara.

Komentet

Shto koment

Të ngjashme