Rinor Qehaja nga Instituti “EdGuard” ka thënë se digjitalizimi i shkollave është ndryshimi më i madh që do të mund të ndikonte në ngritje të cilësisë në arsim. E ka cilësuar si risinë më të mirë në kuadër të drafstrategjisë për arsimin 2022-2026, që është në diskutim publik.
“Digjitalizimi i shkollave është ai ndryshimi i madh që presim ta shohim brenda sistemit. E mira e digjitalizimit të propozuar është që do të ndodhë në disa hapa. Ajo që dokumenti reflekton është se e kupton që jo të gjithë brenda sistemit janë të gatshëm të bëjnë ndryshimin e shpejtë nga të mësuarit tradicional në diçka digjitale. Kjo merr kohë e duhet të jemi të gjithë të vetëdijshëm”, ka thënë ai në “Interaktiv” të KTV-së të premten duke shtuar se impakti i digjitalizimit do të vërehet sikur të alokohet buxheti i duhur për të.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo