Kryetarja e Partisë së re Demokratike, Emilia Rexhepi, ka shprehur shqetësimin lidhur me informacionet se në një vendvotim në fshatin Jabllanicë janë gjetur fletëvotime të dëmtuara.
Ajo u ka bërë thirrje autoriteteve ta hetojnë rastin.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Me shqetësim serioz po i përcjell informacionet për incidentin në vendvotimin 2069/01 në fshatin Jabllanicë, ku janë gjetur fletëvotime të dëmtuara. I bëj thirrje Policisë së Kosovës dhe prokurorisë kompetente, si dhe Komisionit Qendror të Zgjedhjeve dhe Komisionit Komunal të Zgjedhjeve, që urgjentisht, në mënyrë të plotë dhe deri në fund ta hetojnë këtë rast dhe t’i ndëshkojnë ashpër përgjegjësit nëse konstatohen parregullsi”, ka shkruar Rexhepi në Facebook. “Partia e Re Demokratike do të vazhdojë të luftojë me të gjitha mjetet demokratike dhe ligjore për mbrojtjen e çdo vote dhe të çdo qytetari. Vullneti i popullit nuk është për shitje dhe nuk guxon të jetë objekt manipulimesh”.
Rexhepi ka thënë se me vite ka paralajmëruar se në disa fshatra me shumicë boshnjake shfaqen numër më i madh fletëvotimesh në kuti se që ka banorë në fshatra.
“Sot, falë komisionarëve dhe vëzhguesve tanë, kemi vërejtur me kohë parregullsi të mundshme, ndërsa rasti është raportuar tek organet kompetente”, ka shkruar Rexhepi.
