Ilaçet për humbjen e peshës mund të ndihmojnë jo vetëm në uljen e kilogramëve, por edhe në parandalimin e nevojës për operacione të gjurit, sugjeron një studim i ri i realizuar në Shtetet e Bashkuara.
Sipas hulumtimit, përdorimi i barnave të njohura si Wegovy, Mounjaro dhe Ozempic për të paktën tre vjet mund të zvogëlojë ndjeshëm rrezikun e operacionit te personat që vuajnë nga osteoartriti i gjurit.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoOsteoartriti është forma më e zakonshme e artritit dhe prek më shumë se 500 milionë njerëz në mbarë botën, raportoi "The Guardian".
Mbipesha dhe obeziteti konsiderohen faktorë të rëndësishëm rreziku për zhvillimin e kësaj sëmundjeje, pasi shtojnë presionin mbi nyjat.
Studiuesit nga Shkolla e Mjekësisë e Universitetit të Marylandit analizuan të dhënat e 6.8 milionë të rriturve të diagnostikuar me osteoartrit të gjurit midis viteve 2010 dhe 2024.
Ata krahasuan pacientët që kishin përdorur ilaçe të grupit GLP-1 për të paktën një vit me pacientë të ngjashëm që nuk i kishin përdorur këto barna.
Rezultatet treguan se përdorimi i ilaçeve për një vit lidhej me ulje të rrezikut për operacion të gjurit me 1.4 pikë përqindjeje pas tre vjetësh dhe me 2.8 pikë përqindjeje pas tetë vjetësh.
Efekti më i madh u vu re te pacientët që kishin përdorur semaglutide ose tirzepatide – përbërësit aktivë të barnave si Wegovy, Ozempic dhe Mounjaro – për tre vjet.
Sipas studiuesve, ilaçet GLP-1 mund të ndikojnë në osteoartritin e gjurit jo vetëm përmes humbjes së peshës, por edhe falë efekteve të tyre anti-inflamatore dhe qetësuese të dhimbjes.
Megjithatë, ekspertët paralajmërojnë se rezultatet duhen interpretuar me kujdes. Mark Bowditch, kirurg ortoped dhe ish-president i Shoqatës Britanike të Ortopedisë, ka sqaruar se studimi nuk thotë se këto barna e eliminojnë nevojën për kirurgji.