-
Nga:
Alberina Haxhijaj
- 23 tetor 2019 13:01
- Shpërndaje në:
Prishtinë, 23 tetor – Me 28 intervista të përmbledhura në një libër, studiuesja Mimoza Hasani-Pllana ka tentuar të sjellë një mozaik për shqipen në Evropë, përkatësisht në 20 shtete evropiane. Për librin “Shtegtimi i shqipes në Europë”, i përuruar të martën në “KultPlus Caffe Gallery”, Hasani-Pllana ka intervistuar albanologë shqiptarë e të huaj, përkthyes e studiues të gjuhës e letërsisë shqipe.
Redaktori i librit, studiuesi Behar Gjoka, ka thënë se të intervistuarit tregojnë se si ekziston shqipja në vendet e tjera. Siç ka thënë ai përmes intervistave, vihet në pah se shqiptarët nuk janë aq të izoluar, të shkëputur e zemërakë sa mendohej.
“Në morinë e intervistave secila prej tyre ka kontributin, prurjet e saj, ka shqetësimin se çfarë po ndodh dhe se si po shkon letërsia shqipe tek të tjerët”, ka thënë ai. Sipas tij, është e rëndësishme që përmes librit jepet edhe një pasqyrë se çfarë ndodh nëpër universitete ku mësohet gjuha shqipe.
Tomorr Plangarica, profesor i disiplinave gjuhësore dhe letrare në Institutin e Gjuhëve dhe Qytetërimeve të Lindjes (INALCO) në Paris, është një nga të intervistuarit. Brenda librit gjenden intervista edhe me studiues të tjerë të letërsisë e albanologjisë e njohës të saj si: Romeo Çollaku, Hans-Joachim Lanksch, Doris K. Kyriazis, Silvana Berki, Roel Schuyt, Elido Miracco, Anton Marku, Kurt Gostentschnigg, e të tjerë.
(Gjerësisht, sot në "Kohën Ditore")
