Një person ka humbur jetën në një aksident trafiku mes një motoçiklete, kamioni dhe një veture në rrugën “Transiti i vjetër” në Prizren.
Zëdhënësi i Policisë në rajonin e Prizrenit, Shaqir Bytyqi ka njoftuar se dyshohet se drejtuesi i motoçikletës, duke mos e përshtatur shpejtësinë me kushtet e rrugës, fillimisht ka goditur lehtë veturën, ndërsa më pas është përplasur nga prapa në kamion.
“Si pasojë e aksidentit, motoçiklisti, E.A., rreth 29 vjeç, ka humbur jetën. Vdekjen e viktimës e kanë konstatuar ekipet mjekësore në vendin e ngjarjes. Policia ka dalë menjëherë në vendngjarje, ku ka ndërmarrë të gjitha veprimet e nevojshme, përfshirë sigurimin dhe këqyrjen e vendit të ngjarjes. Në vendin e ngjarjes ka dalë edhe prokurori i shtetit”, thuhet në njoftim.
Me urdhër të prokurorit, trupi i pajetë i viktimës është dërguar për ekzaminim në Institutin e Mjekësisë Ligjore në Prishtinë.
-
Aksident trafiku në Prizren, humb jetën çiklisti që u godit nga vetura
-
Tentoi të ikte, përplaset me motoçikletën e zyrtarëve policorë në Prizren
-
Dy të vdekur e një i lënduar nga aksidenti në Obiliq
-
Vdes një person në aksident në Gjakovë
-
Vdes një shtetas i Kosovës pas një aksidenti në rrugën Lezhë-Milot